Ministri i Mbrojtjes izraelit, Israel Katz thotë se ushtria po zgjeron sulmin e saj tokësor në Gaza dhe do të “kapë një territor të gjerë” që do t’i shtohet të ashtuquajturave zona tampon në Rrip.

Kjo vjen pasi numri i të vdekurve nga bombardimet e pamëshirshme të Gazës nga Izraeli u rrit në të paktën 17 që nga orët e para të mëngjesit.
Të gjitha furrat e bukës në Gaza, përfshirë 25 të drejtuara nga Programi Botëror i Ushqimit (WFP), janë mbyllur pasi bllokada e Izraelit në Rrip vazhdon për ditën e 31-të, duke shënuar rrethimin më të gjatë që nga fillimi i luftës.

Ministria e Shëndetësisë e Gazës thotë se të paktën 50,399 palestinezë janë konfirmuar të vdekur dhe 114,583 të plagosur në luftën e Izraelit në Gaza. Zyra e Qeverisë për Media e përditësoi numrin e saj të vdekjeve rreth dy muaj më parë në më shumë se 61,700, duke thënë se mijëra njerëz të zhdukur nën rrënoja supozohen të vdekur.
Të paktën 1,139 njerëz u vranë në Izrael gjatë sulmeve të 7 tetorit 2023 të udhëhequr nga Hamasi dhe më shumë se 200 u zunë robër.