Kanye West u pa me vajzën e tij, North, të martën në mbrëmje jashtë një magazine në Los Anxhelos – ndërkohë që njëkohësisht postonte mesazhe të ashpra në rrjetet sociale kundër ish-bashkëshortes së tij, Kim Kardashian.

Reperi 47-vjeçar nga Çikago sulmoi Kardashian, 44 vjeç, përmes një sërë postimesh në Twitter të martën, ku shprehu pakënaqësinë e tij për faktin që një grua e bardhë ka kontroll mbi fëmijët e tij me ngjyrë.

Fituesi i 24 çmimeve Grammy reagoi ndaj një bashkëpunimi muzikor të planifikuar mes vajzës së tij North, 11 vjeç, dhe reperit Playboi Carti, 28 vjeç, të cilin ai e kundërshton. West është baba i katër fëmijëve me Kardashian: vajzat North, 11 vjeç, dhe Chicago, 7 vjeç; si dhe djemtë Saint, 9 vjeç, dhe Psalm, 5 vjeç.

Autori i hitit Bound 2 u fotografua duke fjetur në një makinë me North në Los Anxhelos, ndërsa ishte ulur në sediljen e pasagjerit. Sipas fotografit, më vonë North u shoqërua nga dadoja e saj drejt një automjeti tjetër.

Akuza të forta ndaj Kim Kardashian

Në një tjetër postim, West shkroi: “Pra, një grua e bardhë ka kontroll mbi emrin dhe imazhin e fëmijëve të mi me ngjyrë dhe pastaj flet me Carti për të futur vajzën time në një këngë me të.”

Ai vazhdoi duke akuzuar të famshmit që “përpiqen të luajnë me të në sy të tij.”

“Pra, Kim ka kontroll mbi emrin dhe imazhin e fëmijëve të mi me ngjyrë,” tha ai në X/Twitter të martën në mëngjes.

Më vonë, West sqaroi se nuk është dakord që North të bashkëpunojë me Playboi Carti pa pjesëmarrjen e tij në projekt. “Vendosa që North nuk do të bëjë asnjë këngë me Carti,” tha ai. “Si duket që unë të përjashtohem nga albumi dhe pastaj ai i kërkon Kim-it vokale nga vajza ime?”

Në një tjetër postim, ai shtoi: “Nuk më intereson fare kjo lojë e industrisë dhe as që më bëhet vonë për ndonjë linjë të Skims (marka e veshjeve të Kim Kardashian).”

Dominimi mashkullor në prindërim?

West gjithashtu shprehu bindjet e tij për ndarjen gjinore në bashkëprindërim, duke thënë se “burri ka fjalën e parë dhe të fundit për fëmijët e tij.”

Të dielën, ai kishte deklaruar: “Burri merr vendimin përfundimtar.”