Presidenti amerikan Donald Trump ka treguar sërish se nuk ka durim për shpërqendrime, madje edhe kur vijnë nga stafi i tij më i afërt.

Telefoni që prishi konferencën

Gjatë një konference në Zyrën Ovale, teksa nënshkruante disa urdhra ekzekutivë dhe u përgjigjej pyetjeve të gazetarëve, Trump u ndal papritur nga zhurma e një telefoni që binte në prapaskenë. Ai po fliste për vendimin e qeverisë për të blerë një pjesë të kompanisë Intel, kur u detyrua të ndërpriste fjalën e tij:
“Hello, kush është ai? Kush është aty mbrapa? Dilni jashtë menjëherë!” – tha ai me ton të ashpër.

Mes të qeshurave të kabinetit, u dëgjua dera që u mbyll me zhurmë, ndërsa stafi i hutuar u largua nga salla.

Stafi që ra në “grazhdin” e presidentit

Më pas u konfirmua se bëhej fjalë për Will Scharf, sekretari i stafit të Shtëpisë së Bardhë, i njohur si “guru” i urdhrave ekzekutivë të Trump-it. Ironikisht, pak momente më herët ai ndodhej pranë presidentit duke i dorëzuar dokumentet për firmë.

Ky nuk është rasti i parë që Trump reagon ashpër ndaj ndërprerjeve gjatë transmetimeve live. Në vitin 2019, ai u nervozua gjatë një interviste televizive kur shefi i atëhershëm i stafit, Mick Mulvaney, kolliti në mes të përgjigjes së tij, duke e detyruar presidentin të kërkonte që intervista të ribëhej:
“Nëse do të kollitesh, të lutem dil jashtë. Nuk më pëlqen kjo gjë.”