Presidenti francez Emmanuel Macron përjetoi një moment të sikletshëm këtë javë në New York, kur kortezhi i tij presidencial u ndalua nga policia për t’i hapur rrugë kortezhit të Donald Trump.

Pamjet tregojnë Macron të hutuar duke qëndruar në rrugë pas daljes nga selia e OKB-së, ndërsa një oficer policie i thotë: “Më vjen keq, z. President, gjithçka është ngrirë.” Në një përpjekje për të zgjidhur situatën, Macron shihet në video duke telefonuar Trump-in, duke thënë me ironi: “Jam duke pritur në rrugë sepse gjithçka është ngrirë për ty.” Pas disa minutash pritjeje, ai detyrohet të ecë në këmbë me truprojat e tij. Videoja është bërë virale, me përdorues në rrjete sociale që e quajnë këtë një poshtërim diplomatik dhe një demonstrim force nga ana e Trump.

Incidenti ndodhi në një kohë kur popullariteti i Macron në Francë ka rënë në nivelin më të ulët historik, mes krizës ekonomike, protestave masive dhe një qeverie të dobësuar pas zgjedhjeve të parakohshme.