“Rusia nuk dëshiron të përshkallëzojë më tej tensionet në Evropë.” Kështu deklaroi Ambasada Ruse në Danimarkë në një koment të botuar nga transmetuesi danez DR, pas fluturimit me dron mbi aeroportin e Kopenhagenit, duke përsëritur qëndrimin e Kremlinit se dyshimet kundër Moskës janë “të pabaza”. 

“Incidenti në aeroportin e Kopenhagenit zbulon një dëshirë të qartë për të provokuar vendet e NATO-s, duke i shtyrë ato në një përballje të drejtpërdrejtë ushtarake me Rusinë: kontributi në këtë është i papranueshëm”, shkroi Ambasada ruse, duke vënë në dukje se tensionet e reja “mund të kenë pasoja të paparashikueshme”.