Detaje të reja dalin lidhur me krimin makabër të regjistruar në Viotia të Greqisë, ku një 62-vjeçare groposi nënën e saj në afërsi të banesës, për të përfituar nga pensioni i saj, pasi nuk e deklaroi të vdekur.

Siç raporton Protothema.gr Prokuroria greke ka urdhëruar kruerjen e një hetimi paraprak për vrasje të mundshme me dashje, pas zbulimit tronditës ku e moshuara ishte varrosur në fshehtësi nga vajza e saj, në mënyrë që kjo e fundit të përfitonte nga pensioni.

Sipas zëdhënëses së Policisë Greke (ELAS), Constantia Dimoglidou, trupi i të moshuarës u gjet në një gjendje të dekompozuar, duke thënë  se ajo dyshohet se është varrosur prej më shumë se 2 vjetësh, në një gropë të cekët pranë shtëpisë së saj.

Dyshime për mashtrim dhe bashkëpunëtorë

Krahas hetimeve për vrasje të mundshme, prokuroria ka kërkuar gjithashtu verifikimin e një mashtrimi të rëndë në vlerën e mbi 120,000 eurove, shumë kjo e përfituar nga  62-vjeçarja përmes përvetësimit të pensionit të nënës së ndjerë.

Po ashtu, do të hetohet nëse ka pasur bashkëpunëtorë, pasi 62-vjeçarja ka folur një burrë shqiptar me emrin “Jani”, i cili e kishte ndihmuar për ta varrosur trupin. Aktualisht, ai nuk ndodhet në fshat dhe vendndodhja e tij është e panjohur, sipas deklaratave të avokatit mbrojtës.

Avokati i të pandehurës deklaroi se klientja e tij nuk kishte qëllim kriminal, por veproi nga vështirësitë ekonomike.Këto janë prirjet e reja në dizajnin e kuzhinës për vitin 2025 (Kliko këtu për të parë)Rimodelim Kuzhine | Kërko reklama
Tirana: Удобни дивани на достъпни цени (Виж офертите)Дивани | Търсене на реклами

“Ajo punonte në komunën e Tanagrës në KEP dhe kishte grumbulluar borxhe nga e kaluara. Ajo ndjen pendesë dhe turp për atë që ka bërë”, – deklaroi ai.

Megjithatë, autoritetet nuk përjashtojnë asnjë pistë, përfshirë edhe atë të vrasjes me dashje.