IKMT ka nisur aksionin për prishjen e ndëtimeve pa leje në territorin e Bashkisë Tropojë.

Planifikohen të prishen 8 objekte të ndërtuara pa leje ndërtimi. IKMT në bashkëpunim me Policinë e Shtetit do jenë në territor për evidentimin e ndërtimeve pa leje, sanksionimin me gjobë deri në prishje të tyre në Qarkun Kukës.

IKMT i ka bërë thirrje qytetarëve që të bashkëpunojnë me strukturat, në ndihmesë të ruajtjes së territorit, si dhe të shmangin çdo tentativë për kryerjen e ndërtimeve pa leje.

“Shkelësit e ligjit, përveç prishjes dhe dënimit me gjobë, do ndiqen penalisht”, lexohet në njoftimin e IKMT.