Pavarësisht sfidave shëndetësore, diva e muzikës, Celine Dion, nuk ka hequr dorë nga karriera e saj dhe po përgatitet për një rikthim spektakolar në skenë vitin e ardhshëm. Sipas Mirror.uk, këngëtarja 57-vjeçare po punon intensivisht për të rikuperuar zërin dhe qëndrueshmërinë, ndërsa burimet e afërta zbulojnë se ajo po përparon më mirë se sa pritej.

“Shëndeti i saj është i mirë dhe po arrin përsëri notat e larta. Ajo vazhdon me fizioterapi dhe ushtrime vokale, dhe njerëzit nuk mund ta besojnë se po shërohet kaq shpejt,” tha një burim pranë saj.

Dion u detyrua të anulonte turneun botëror “Courage World Tour” tre vjet më parë për shkak të SPS-së së rëndë, një çrregullim i rrallë nervor që shkakton ngurtësi dhe spazma muskulore, duke e bërë të vështirë ecjen.

Rikthimi i saj vjen pas sfidave të mëdha personale dhe profesionale, përfshirë anulimin e turneut botëror “Courage World Tour” tre vite më parë për shkak të SPS-së së rëndë, si dhe humbjen e bashkëshortit të saj në vitin 2016. Megjithatë, Dion vazhdoi të performojë në ceremoninë e hapjes së Lojërave Olimpike Verore 2024 në Paris, duke dëshmuar forcën dhe vendosmërinë e saj për të mos u dorëzuar.

Këngëtarja kanadeze tani po punon pa u lodhur për të bërë ëndrrën e saj realitet dhe rikthimin në skenë, duke premtuar një vit të ardhshëm plot energji dhe emocione për fansat.