Cebu, Filipine – 1 Shtator 2025 – Pamje dramatike janë publikuar nga brigjet e Cebu, ku një zhytëse amatore u përball me një moment që dukej si skenë filmi horror nën ujë.

Jem Berroya, e pajisur vetëm me maskë dhe snorkel, po notonte pranë ujërave të kthjellëta, kur vuri re një peshkaqen balenë gjigant që i afrohej nga pas. Në video shihet qartë momenti i panikut, kur ajo fillon të largohet me vrull, ndërsa goja e hapur e krijesës së oqeanit krijon iluzionin sikur po përpiqej ta përpinte.

Ekspertët detarë sqarojnë se peshkaqenët balenë janë specie gjigante, por të padëmshme për njerëzit, duke u ushqyer kryesisht me plankton dhe peshq të vegjël. Megjithatë, afrimi i tyre i papritur krijon situata frike dhe paniku, sidomos për turistët e papërgatitur.

Videoja e ngjarjes është bërë virale në rrjetet sociale, ku shumë komentues e kanë cilësuar si “momentin më të frikshëm të jetës”, ndërsa të tjerë e kanë parë si një provë të bukurisë dhe madhështisë së botës nënujore.