Al Jazeera ka publikuar në Instagram një video që tregon pamje rrëqethëse të fëmijëve të plagosur në Gaza, të cilët po trajtohen mes rrënojave dhe kaosit pas bombardimeve të fundit.

Në video shihen fëmijë të mbuluar me gjak, të shtrirë në dysheme, ndërsa mjekët dhe vullnetarët përpiqen t’u japin ndihmë të parë në kushte ekstreme.

Pamjet e rënda vijnë në një kohë kur raportimet ndërkombëtare flasin për rritje të numrit të viktimave civile, përfshirë shumë fëmijë, duke ngritur shqetësime të thella për krizën humanitare.

Organizatat për të drejtat e njeriut kanë përsëritur thirrjet për armëpushim të menjëhershëm dhe për mbrojtjen e popullsisë civile, veçanërisht të fëmijëve që po mbeten viktimat më të pafajshme të këtij konflikti.