Në Tiranë ndodhi një takim me rëndësi diplomatike, ku Nancy Vanhorn, e cila aktualisht shërben si Chargé d’Affaires ad interim (e ngarkura me punë të përkohshme ) të Ambasadës Amerikane në Shqipëri, u prit në zyrën e kryeministrit Edi Rama. Vanhorn, diplomate karriere, mori këtë detyrë në gusht 2024, duke e udhëhequr përkohësisht misionin diplomatik përderisa emërimi i ambasadorit të ri mbetet në pritje. Ky takim zhvillohet në një kontekst ku SHBA-ja dhe Shqipëria, si aleatë, po forcojnë bashkëpunimin në diplomaci ndërkombëtare dhe çështjet e interesit të përbashkët.
Sipas burimeve diplomatike, vizita e përfaqësueses amerikane mund të lidhet edhe me faktin që Shqipëria si aleate e SHBA-së ka marrë udhëzimet e fundit nga administrata e Donald Trump për linjën që duhet të ndjekë në politikën e jashtme. Këto sinjale përfshijnë si qëndrimin e Tiranës në diplomacinë ndërkombëtare, ashtu edhe çështje direkte ku Uashingtoni ka interes strategjik dhe vendimtar në rajon. Ndërkohë, në një tjetër video të bërë publike ditën e djeshme, shihet edhe ministri Pirro Vengu duke hyrë në kryeministri, duke shtuar edhe më shumë interes mbi koordinimin mes qeverisë së re dhe partnerëve ndërkombëtarë.
