Ish-kryebashkiaku i Tiranës, Erion Veliaj, ka shpërndarë një tjetër mesazh provokues, duke treguar se nuk tërhiqet edhe pas hekurave të burgut. Në një reagim të fundit, Veliaj shkruan:
“Kam lexuar jashtë. Po lexoj edhe më shumë brenda. Ndryshe nga ata që s’dinë të lexojnë as dy faqe, por shkruajnë ‘prova’ në 500.”

Ironi dhe sfidë nga qelia

Në mesazhin e tij, Veliaj ironizon organet e drejtësisë dhe prokurorët që e kanë akuzuar, duke lënë të kuptohet se përvoja e tij në burg po i shërben si një “universitet ligjor”. Ai shfaqet i qetë dhe sfidues, duke e paraqitur veten si dikush që fiton njohuri më shumë sesa ata që po e gjykojnë.

Meme-t që po qarkullojnë

Në rrjetet sociale janë shpërndarë disa meme ironike me figurën e Veliajt, ku ai krahasohet në situata të ndryshme:

• “My brain in medicine” – ku paraqitet me dorën në zemër, sikur po shpall dije.
• “My brain in cooking” – ku shfaqet duke përdorur gjestikulacionet si të ishte në një recetë gatimi.
• “My brain in jail” – ku shoqërohet me tekstin: “Pasi lexova të gjithë Kodin Penal dhe kuptova se po marr më shumë arsim juridik në burg sesa prokurorët jashtë”.

Këto imazhe kanë nxitur diskutime të gjera online, duke e parë si një mesazh të qartë se Veliaj kërkon të ruajë imazhin e tij publik dhe të sfidojë akuzat me ironi dhe provokim.

Nuk ndalet as nga burgu

Edhe pse pas grilave, ish-kryebashkiaku duket se synon të qëndrojë në qendër të vëmendjes politike dhe mediatike. Me mesazhin e fundit, Veliaj dërgon sinjalin se nuk do të heshtë dhe do të përdorë çdo mjet për të kritikuar kundërshtarët e tij.