Policia në Kaliforni ka tronditur opinionin publik me një deklaratë të re për zhdukjen misterioze të vogëlushit Emmanuel Haro. Fillimisht u raportua se 4-vjeçari ishte rrëmbyer nga një parking në “Big 5” në San Bernardino, por hetimet zbuluan një të vërtetë makabre.

Departamenti i Sherifit të San Bernardino tha se është “plotësisht i bindur” që Emmanuel nuk është rrëmbyer, duke çuar në arrestimin e prindërve të tij, Jake dhe Rebecca Haro, të dyshuar tashmë për vrasje.

Autoritetet nuk kanë dhënë ende detaje mbi mënyrën e ngjarjes, por theksuan se provat e mbledhura rrëzojnë versionin fillestar të prindërve për një rrëmbim të supozuar.

Rasti ka ngjallur zemërim dhe trishtim në komunitet, ndërsa kërkimet për trupin e vogëlushit vazhdojnë.