Një bandë grabitësish shqiptarë në Greqi janë arrestuar nga policia të cilët rezultojnë të jenë autorë të disa vjedhjeve në ishullin e Mykonos.

Sipas shtypit grek, 4 shqiptarët grabisnin banesat e turistëve në lagje të ndryshme të Mykonosit.

Sipas përllogaritjeve të autoriteteve greke, ata kishin marrë sende me vlerë rreth 138 mijë Euro.

Banda e grabitësve shqiptarë u identifikua falë pamjeve nga kamerat e sigurisë të banesave. Rezulton se ata janë kryer 10 vjedhje dhe 3 tentativa në periudhën 6-20 gusht. Banda godiste shtëpitë dhe akomodimet e turistëve gjatë natës. Ata përdornin furgona që i merrnin me qira për të shkuar të objektivi i tyre. Thyenin dritaret dhe dyert, hynin në brendësi të banesave dhe merrnin para, bizhuteri, rroba, këpucë dhe aksesorë të shtrenjtë.

Një pjesë të mallrave ishin fshehur nëpër shkëmbinj, vende që i përdornin përkohësisht për të lënë sendet e vjedhura.

Ndërsa në vendin ku ata qëndronin vetë, policia gjeti disa sende të vjedhura, 3395 euro, franga zvicerane, 4 celularë, etj.

Një pjesë e mallrave të vjedhura ju kthyen pronarëve.