Federico Bonazzoli ka shkëlqyer në ndeshjen Milan – Cremonese, e vlefshme për javën e parë të Serie A. Sulmuesi i Cremoneses ka realizuar një nga golat më të bukur të sezonit, duke mposhtur portierin Maignan me një rovesciata të jashtëzakonshme në minutën e 61-të, pas një krosimi perfekt nga Pezzella.
Ky nuk është rasti i parë që Bonazzoli shënon në këtë mënyrë kundër kuqezinjve. Në shkurt të vitit 2022, kur luante me fanellën e Salernitanës, ai i kishte ndëshkuar rossonerët me një tjetër rovesciata spektakolare në barazimin 2-2 në “Arechi”.
Me këtë gol të jashtëzakonshëm, Bonazzoli ka hyrë sërish në faqet kryesore të mediave sportive italiane, duke u cilësuar si një nga mjeshtrat e gjesteve akrobatike në Serie A.
