Romanca e porsalindur mes Katy Perry-t dhe Justin Trudeau-t duket se është një “pauzë”. Shkak janë bërë oraret e ngjeshura të këngëtares dhe pakënaqësitë e Justin, që lidhen me vëmendjen që ka marrë marrëdhënia e tij me yllin e pop-it.
Pas lajmeve që gëluan në medie për një darkë intime mes këngëtares dhe ish-presidentit kanadez, vëmendja e gjithë botës ka qenë tek ata të dy. Madje, edhe burimet thonë se Orlando Bloom nuk ndihet shumë mirë, për faktin se Katy mund ta ketë zëvendësuar “kaq shpejt”.
“Kanë shumë gjëra për të bërë dhe mesa duket, entuziazmi i fillimit ka mbaruar”, theksoi burimi, duke shtuar se ata nuk komunikojnë vazhdimisht, por kjo mund të ndryshojë në të ardhmen.
Thuhet gjithashtu se ish-kryeministri i Kanadasë u shqetësua nga vëmendja e madhe që mori darka e tij me artisten, që ndodhi disa javë pas lajmit për ndarjen e këngëtares së “Dark Horse” nga Orlando Bloom.
Justin Trudeau u nda nga gruaja e tij, Sophie Grégoire, në 2023 pas 18 vitesh martesë. Ish-cifti ka tre fëmijë: Xavier, 17 vjeç; Hadrien, 11 vjeç dhe vajzën Ella-Grace, 16 vjeç.
Nga ana tjetër, Katy Perry dhe Orlando Bloom konfirmuan ndarjen e tyre në fillim të korrikut pas pothuajse 10 viteve së bashku. Ata kanë një vajzë 4-vjeçare, Daisy.
