Regjisori i njohur Taika Waititi festoi 50-vjetorin me një super festë në Ibiza, të organizuar nga bashkëshortja e tij, këngëtarja Rita Ora. Çifti kishte marrë me qira një vilë luksoze në ishullin spanjoll, ku mikpritën emra të mëdhenj si Kate Moss, Matt Damon, Sacha Baron Cohen, Cara Delevingne dhe shumë të tjerë.
Detaji që tërhoqi vëmendjen e mediave ishte tabakaja gjigante me cigare që çifti kishte përgatitur për të ftuarit, krahas tasave me cigare të vendosura në tryezë. Rita dhe Kate Moss u panë duke tymosur, ndërsa atmosfera elektrizuese u shoqërua me vallëzime, kokteje dhe performanca. Rita, e veshur me bikini të zeza dhe fustan transparent, i dha një puthje në faqe bashkëshortit të saj gjatë fjalimit, ndërsa të ftuarit përfunduan mbrëmjen në pistën e kërcimit.
