Dua Lipa po shijon ditët e fundit të pushimeve verore në Ibiza, ku nuk mungojnë as momentet relaksuese, as ato që ndezin rrjetin. Këngëtarja 29-vjeçare ka mahnitur fansat teksa praktikoi yoga mbi një paddle board në det, me bikini të vogël burgundy që vuri në pah format e saj të tonifikuara.
Në krah të saj ndodhej i fejuari Callum Turner, i cili, i zhveshur në trup dhe i veshur vetëm me tuta të shkurtra, u përpoq të imitojë pozat e saj në ujë. Dyshja kaloi mëngjesin duke bërë ushtrime për forcimin e bërthamës trupore dhe duke shkëmbyer përqafime e buzëqeshje në diellin mesdhetar.
Dua nisi seancën e saj me një pozicion klasik “Downward Facing Dog”, duke treguar sërish fleksibilitetin dhe balancën mbresëlënëse që ndjekësit e saj e njohin nga videot e shumta që ajo ndan në rrjete sociale.
Pamjet që ndezën rrjetin
Fotot dhe videot e shpërndara nga vetë këngëtarja në Instagram, ku ndiqet nga mbi 88 milionë ndjekës, tregojnë pushimet e saj plot energji dhe dashuri. Ajo pozon në një jaht luksoz, duke rrezatuar elegancë dhe qetësi mes shoqërisë së ngushtë dhe Callum-it.
Në përshkrimin e një karuseli fotosh, Dua shkruan:
“Derimë tani – shumë mirë: diell, det, miqtë më të mirë, kërcim deri në 6 të mëngjesit, darka të gjata, flamenco, përqafime të mëdha dhe një shi meteorësh!!! Ndihem shumë me fat dhe e dashur.”
Përveç yoga-s mbi ujë, çifti shijoi edhe një mbrëmje nën yje me shfaqje filmike, darka në grup dhe shëtitje buzë detit – një udhëtim që duket të jetë preludi i festimeve për 30-vjetorin e Duas, që afrohet këtë muaj.
Elegancë e nxehtë
Në një tjetër set fotografish, Dua pozon me një fustan të personalizuar Jacquemus, i tejdukshëm dhe i zbukuruar me detaje të shkëlqyera, që lë pak vend për imagjinatë. Nga pjesa e përparme, fustani shfaq elegancë delikate, ndërsa nga pas e anash, ekspozon format e saj me një sensualitet të përmbajtur.
Callum, gjithashtu, shfaqet përkrah saj me një stil të thjeshtë por klas, me këmishë bardhë e kaltër dhe pantallona bezhë.
Një dashuri që rritet
Në qershor, Dua konfirmoi fejesën me aktorin Callum Turner, duke e ndarë emocionin me fansat në rrjetet sociale dhe në një intervistë për British Vogue. Në të njëjtën intervistë, ajo foli edhe për dëshirën për të pasur fëmijë, por shprehu pasiguritë e një artisteje që kërkon të ruajë balancën mes karrierës botërore dhe jetës familjare.
Pritje për ditëlindjen e 30-të
Ndërsa fansat e saj presin albumin e radhës, Dua duket e përqendruar të festojë me njerëzit që do më shumë dhe të krijojë kujtime përtej skenës. Pushimet në Ibiza shërbejnë si një pushim i merituar pas muajsh të ngarkuar – dhe ndoshta si një frymëzim për këngët e ardhshme që do pushtojnë sërish toplistat botërore.
