Zjarri i rënë prej pasdites të së enjtes në masivin pyjor të Velës në Mirditë, vijon të jetë aktiv.

Forcat zjarrfikëse dhe shërbimet e tjera të emergjencave të Mirditës dhe të Matit vijojnë të jenë në terren, ndërsa aktualisht është shmangur rreziku për zonën e banuar.

Situata po mbahet nën monitorim të vazhdueshëm dhe forcat në terren po punojnë për shuarjen e plotë të këtij zjarri.