Një përleshje e dhunshme ka shpërthyer në pishinën e një hoteli në Benidorm, duke tronditur pushuesit që panë gjithçka nga afër. Pamjet dramatike, të cilat janë bërë virale në TikTok me afro 300,000 shikime, tregojnë momente kur grushtet fluturojnë në ajër dhe disa pjesëmarrës shtyhen me forcë në ujë.

Në video shihet një burrë me bluzë të bardhë që sulmon një pushues, ndërsa një tjetër me veshje të zeza godet dy burra me rroba banje. Sherri përshkallëzohet kur të tjerë përfshihen, ndërsa një pjesëmarrës hidhet në pishinë dhe del për të sulmuar sërish. Në sfond vihet re një flamur anglez me mbishkrimin “Ash’s Stag 2025”, duke ngritur dyshime se disa nga të përfshirët janë britanikë.

Komentet në rrjet kanë qenë të ndara: disa e kanë cilësuar sjelljen si “turpëruese”, të tjerë kanë reaguar me humor. Incidenti vjen vetëm një muaj pas një rasti tjetër të dhunshëm në Benidorm, ku një turist britanik u godit brutalisht nga një vendas pas një përplasjeje me sigurimin e një bari.

Autoritetet spanjolle nuk kanë dhënë ende informacion mbi arrestime apo të lënduar, ndërsa videot e sherrit vazhdojnë të qarkullojnë gjerësisht në rrjetet sociale.