Në ditët e nxehta të verës, hidratimi është thelbësor, dhe përveç ujit, shumë fruta e perime mund të ndihmojnë trupin të qëndrojë i freskët dhe i hidratuar. Kastraveci kryeson listën me përmbajtje uji deri në 96%, pasuar nga selinoja, luleshtrydhet dhe domatet, që ofrojnë një kombinim të shkëlqyer mes lëngjeve, vitaminave dhe elektroliteve.

Sipas ekspertëve, këto ushqime jo vetëm që shuajnë etjen, por ndihmojnë edhe në parandalimin e dehidratimit pas stërvitjes apo gjatë ekspozimit të zgjatur në diell. Përveç tyre, në listë renditen edhe pjepri, portokalli, rrushi, ananasi dhe marulja jeshile – të gjitha të pasura me ujë dhe të përshtatshme për konsum të përditshëm në formën e sallatave, smoothie-ve apo snack-eve të lehta.