Pushuesit e tmerruar panë një sherr masiv mes një grupi të rinjsh gjysmë të zhveshur që solli kaos në një nga plazhet më të frekuentuara në Britani. Përplasja ndodhi të premten pasdite në një ditë me temperatura përvëluese mbi 30°C, kur rreth një duzinë personash u përleshën brutalisht në rërë pranë një piste bregdetare.

Pamjet tregojnë djem që vrapojnë dhe godasin njëri-tjetrin në mënyrë të pakontrolluar, duke u rrëzuar në rërë gjatë tentativave për të dhënë grushta të paqëlluar. Dy roje sigurie përpiqen më kot të ndalojnë sherrin, ndërsa turma shikuesish reagon me habi, të tjerë me të qeshura.

Ngjarja është pjesë e një serie incidentesh të dhunshme që kanë ndodhur kohët e fundit në të njëjtin vend, përfshirë edhe përplasje me policinë, hedhje shisheje dhe dëmtime të forcave të rendit. Për shkak të situatave të përsëritura, autoritetet kanë shtuar patrullat dhe kanë vendosur masa të rrepta, përfshirë konfiskimin e alkoolit dhe gazit ilarës, si dhe gjoba për sjellje antisociale.