Familja e Julian McMahon ka thyer heshtjen pas vdekjes së aktorit në moshën 56-vjeçare. Aktori australian ndërroi jetë javën e kaluar pas një beteje me kancerin.

Të martën, më 8 korrik, një foto bardh e zi e aktorit duke buzëqeshur dhe duke pozuar për kamerën u postua në llogarinë e tij zyrtare në Instagram, duke falënderuar të gjithë ata që treguan dashurinë dhe mbështetjen e tyre për aktorin. “Julian e donte Van Morrison… Faleminderit të gjithëve që e donin Julian“, shkruhej në mbishkrim. Postimi përfshinte këngën e Morrison “Sometimes We Cry”.

McMahon la pas gruan e tij, Kelly Paniagua, dhe vajzën e tyre, Madison McMahon, me ish-gruan Brooke Burns, si dhe motrat e tij, Melinda dhe Debbie. Aktori kishte luftuar me kancerin, zbuloi gruaja e tij të premten, më 4 korrik.