Katy Perry u shfaq e emocionuar dhe me lot në sy gjatë performancës së saj në Australi, ku falënderoi publikun për mbështetjen pas ndarjes nga aktori Orlando Bloom. Këngëtarja 40-vjeçare u kap nga kamerat në koncertin e fundit të turneut të saj Lifetimes në Adelaide, vetëm disa ditë pasi u bë e ditur se ajo dhe Bloom i kishin dhënë fund lidhjes së tyre 9-vjeçare.
Ndërkohë, Orlando është parë duke përqafuar jetën e re si beqar me një javë plot festa nëpër Europë, përfshirë dasmën luksoze të Jeff Bezos dhe Lauren Sánchez në Venecia, si dhe një festë në jaht në Romë me yje të shumtë.
Pak orë para performancës emocionale të Katy-t, Bloom postoi në Instagram Story një citim enigmatik nga Buda: “Çdo ditë është një fillim i ri. Ajo që bëjmë sot ka rëndësi më së shumti.” Ai shtoi edhe një tjetër mesazh frymëzues nga Daisaku Ikeda: “Gjithçka nis me një hap të parë. Të tejkalosh një frikë të vogël të jep kurajë për të përballuar tjetrën.”
Në një moment prekës gjatë koncertit, Katy formoi një zemër me gishtat e saj dhe, me zërin që i dridhej, u tha fansave në Adelaide: “Faleminderit Australi që gjithmonë keni qenë aty për mua.”
Një burim për Us Weekly konfirmoi ndarjen, duke theksuar se: “Katy dhe Orlando janë ndarë por mbeten miqësorë. Ndarja nuk ka qenë konfliktuale.” Po i njëjti burim shtoi se ndarja kishte kohë që po ziente dhe marrëdhënia kishte qenë e tensionuar prej muajsh.
Katy, e cila aktualisht është në turne, ka qenë më parë e martuar me Russell Brand nga viti 2010 deri në divorcin e tyre në 2012 – një periudhë që ajo e ka përshkruar si më të vështirën në jetën e saj.
Pas ndarjes, Bloom u pa në shoqëri të yjeve si Kim Kardashian, Sydney Sweeney, Naomi Campbell, Kendall Jenner, Sofia Vergara dhe Heidi Klum, duke festuar në superjahtin “Luminara” të Ritz-Carlton gjatë lundrimit të tij të parë nga Roma. Ai gjithashtu u fotografua shumë afër me modelen italiane Vittoria Ceretti, partneren e Leonardo DiCaprios, gjatë një udhëtimi me taksi uji pas dasmës së Bezos.
Të dy ish-partnerët po ndjekin rrugë të ndryshme, por e ardhmja e marrëdhënies së tyre mbetet e paqartë, ndërsa fansat presin me kuriozitet çdo lëvizje të re.
