Vittoria Ceretti ishte një vizion bukurie të enjten mbrëma, teksa u shfaq në mënyrë magjepsëse në rrugët e Venecias përpara dasmës 20 milionë dollarëshe të Jeff Bezos dhe Lauren Sanchez.

Supermodelja 27-vjeçare shkëlqeu në një fustan të hapur pas shpine me detaje të valëzuara, ndërsa mori pjesë në darkën para martesës së çiftit miliarder.

I dashuri i saj, Leonardo DiCaprio, 50 vjeç, ishte gjithashtu i pranishëm por ruajti një profil të ulët, i veshur në mënyrë casual me xhaketë blu të errët dhe pantallona, si dhe kapele bejsbolli.

Aktori fitues i çmimit Oscar u pa duke zbritur nga një taksi uji për të marrë pjesë në festimet përpara ceremonisë martesore.

Çifti ishte në shoqëri të mirë gjatë mbrëmjes, pasi u panë duke biseduar me të ftuar të tjerë si Kim Kardashian dhe Kylie Jenner.

Festë nën rrufe dhe shira të rrëmbyeshëm

Por të enjten në mbrëmje festa u ndërpre papritur për shkak të një stuhie të papritur në Venecia, e cila goditi gjatë darkës luksoze në Madonna dell’Orto, që shënoi nisjen e dasmës tre-ditore të çiftit.

Të ftuarit u detyruan të kërkonin strehë nën harqet gotike ndërsa rrufeja ndriçonte qiellin dhe bubullimat dëgjoheshin mbi qytet. Temperatura arriti në 36°C dhe stuhia e papritur i zuri të gjithë të papërgatitur.

Era e fortë fluturoi mbulesat e tavolinave, ndërsa kamerierët vraponin me çadra për të mbrojtur VIP-at nga reshjet e mëdha.

Një i pranishëm komentoi:

“Kjo tregon se mund të kesh gjithë paratë e botës, por nuk kontrollon dot motin – edhe pse italianët thonë se një nuse e lagur është një nuse me fat.”

Kim, 44 vjeç, dhe motra e saj Khloe, 40 vjeç, mezi qëndruan të thata në fustanet e tyre të couture, ndërsa stafi i sigurisë i udhëhoqi drejt taksive të ujit. Kylie ndau në Instagram Story një foto nga taksia e ujit, e mbuluar nga shiu.

Lauren Sanchez, një nuse që nuk u tremb nga shiu

Lauren u shoqërua nga disa zotërinj me smoking që mbanin çadra blu mbi kokën e saj, ndërsa ajo hipte me kujdes në varkë. Ajo kishte veshur një fustan të hapur në shpatulla me një korse të artë që theksonte belin e hollë.

Bezos, 61 vjeç – që i propozoi në 2023 me një unazë prej 3 milionë dollarësh – e ndiqte nga pas me një çadër mbi kokë. Brenda varkës, Lauren dhe Jeff u panë duke qeshur bashkë, pavarësisht shiut.

Këngëtarja Ellie Goulding u fotografua gjithashtu duke qëndruar në shi, ndërsa priste varkën me një të ftuar tjetër.

Një dasmë e madhe… por martesa është kryer më parë

Bezos dhe Sanchez do të kurorëzohen të premten më 27 qershor në Venecia, pas një fejesë dyvjeçare. Rreth 200 të ftuar janë pjesë e festimeve, përfshirë Mick Jagger, Oprah Winfrey, Orlando Bloom dhe Tom Brady.

Një kopje e ftesës u bë publike këtë javë, ku çifti kërkonte që të ftuarit të mos sillnin dhurata – në vend të tyre, ata do të dhurojnë në disa organizata bamirësie që ndihmojnë në shpëtimin e Venecias nga fundosja.

Shpenzimet për ceremoninë vlerësohen mes 15 dhe 20 milionë dollarëve.

Sidoqoftë, një burim i brendshëm i tha DailyMail.com se çifti është ligjërisht i martuar prej më shumë se një muaji në SHBA.

“Martesa është e vlefshme në Amerikë dhe ndodhi nën ligjin amerikan. Ata e kishin të qartë që në fillim se do të martoheshin në fshehtësi.”

Burimi shtoi:

“Nuk ka aplikim për licencë martese në Itali sepse nuk është e nevojshme. Çfarëdo që të ndodhë në ceremoninë e së premtes nuk ka vlefshmëri ligjore.”

Bezos gjithashtu ka konfirmuar që kanë firmosur një marrëveshje paramartesore për të mbrojtur pasurinë e tij prej 244 miliardë dollarësh.

Protesta kundër Bezos në Venecia

Grupet Greenpeace dhe Everyone Hates Elon janë bashkuar në protesta në Venecia për të penguar dasmën luksoze të Bezos.