Yjet më të mëdhenj të Hollywood-it janë dyndur në qytetin romantik të Venecias për të marrë pjesë në dasmën madhështore të Jeff Bezos dhe Lauren Sanchez – dhe duket se e kanë shfrytëzuar rastin për të treguar trupat e tyre më të dobësuar, në valën e trendit të ilaçeve për humbje peshe si Ozempic që po pushton industrinë e famës.

Oprah Winfrey, e cila ka humbur rreth 22 kg me ndihmën e një prej ilaçeve të njohura për rënien nga pesha, kryesonte mesin e të ftuarve që shfaqnin një fizik tërësisht të transformuar, së bashku me mikeshën e saj të ngushtë Gayle King, 70 vjeç, që gjithashtu ka humbur peshë.

Leonardo DiCaprio, 50 vjeç, dukej ndjeshëm më i hollë, edhe pse mënyra se si ai ka kaluar nga një trup më i plotë në një formë më të hollë mbetet mister.

Kim Kardashian, 44 vjeç, dhe motrat e saj gjithashtu shfaqën belin e tyre tepër të hollë, por e fejuara Lauren Sanchez nuk kishte ndërmend të mbetej pas – ajo u shfaq në festën para dasmës me një fustan korse që binte menjëherë në sy.

Ceremonia martesore do të mbahet më 27 qershor, por festimet kanë nisur prej disa ditësh.

Oprah, 71 vjeçe, u duk më e sigurt se kurrë në festën para dasmës, e veshur me një ansambël në ngjyrë vjollcë dhe të bardhë me prerje anësore që tregonin barkun e saj të sheshuar. Flokët i kishte mbledhur pjesërisht me një shirit të zi dhe kishte veshur atlete të bardha.

Në të kaluarën, Oprah ka pranuar se përdor ilaçe për rënien nga pesha si mjet për të ruajtur një peshë të qëndrueshme, por thekson se ndjek edhe një regjim të rregullt stërvitjeje.

Kim Kardashian ndezi sërish spekulime për ndërhyrje kirurgjikale ndërsa ekspozonte belin e saj ekstremisht të hollë. Në Venecia, ajo u shfaq me një veshje Balenciaga me bust të zi pa rripa dhe fund të gjatë, si dhe çizme me lëkurë gjarpri. Më pas u shfaq në festë me një fustan Versace, gjithashtu me detaje të lëkurës së gjarprit dhe prerje të vogla që theksonin format e saj.

Kim është përfolur prej kohësh për ndryshimet e trupit të saj, sidomos që kur në vitin 2022 humbi 9 kg për të veshur fustanin e famshëm të Marilyn Monroe për Met Gala-n.

Lauren Sanchez, 55 vjeçe, kishte veshur një fustan të artë pa rripa me korse të ngushtë dhe qëndisje të hollësishme, duke nxjerrë në pah belin e hollë. Ajo kishte zgjedhur taka të mbyllura të arta dhe flokët i kishte lidhur në një bisht të stilizuar. Bezos u pa duke e ndihmuar të hipte në varkë për destinacionin e radhës, ndërsa të dy përshëndetën të pranishmit.

Spekulime të mëparshme kanë sugjeruar se Lauren ka bërë ndërhyrje estetike si “facelift” dhe mbushës në fytyrë. Në prill, kirurgë plastikë thanë për DailyMail.com se ajo dukej të kishte bërë mbushje të reja në faqe, buzë dhe botox rreth syve.

Khloe Kardashian u pa gjithashtu në Venecia me mamanë Kris Jenner dhe pjesën më të madhe të familjes. Ajo kishte veshur një fustan të ngushtë me prerje dhe dekolte të theksuar. Më herët gjatë ditës, u pa me një jumpsuit me motive shtazore që theksonte siluetën e saj.

Në podcastin e saj Khloe In Wonder Land, ajo foli për reagimet negative ndaj rënies në peshë, duke thënë:

“Sa më e madhe isha, aq më shumë vetëbesim kisha. Kur humba peshë, ndjeva sikur duhet ta ruaja këtë formë – jo për veten, por sepse të tjerët e prisnin. Dhe pastaj mendova: kjo është neveritëse.”

Gayle King u pa në festime me një veshje elegante në të bardhë dhe të verdhë, ndërsa më herët kishte veshur rroba sportive gjatë mbërritjes në aeroportin Marco Polo. Edhe për të është spekuluar se ka përdorur ilaçe për humbje peshe si Ozempic.

Leonardo DiCaprio mbërriti në festë së bashku me të dashurën e tij supermodele, Vittoria Ceretti. Ai kishte veshur një kostum të zi klasik dhe këmishë të bardhë.

Jeff Bezos dhe Lauren Sanchez janë ligjërisht të martuar që më parë, sipas një burimi për DailyMail.com. Martesa është kryer në SHBA dhe nuk ka vlefshmëri ligjore në Itali. Ata kanë firmosur edhe një marrëveshje paramartesore për të mbrojtur pasurinë e Bezos.

Të ftuarit e famshëm, përfshirë familjen Kardashian/Jenner, po qëndrojnë në hotele pesëyje si Aman, The Gritti Palace dhe Cipriani.