Pamje të dhimbshme nga kamera trupore e policisë në Kaliforni tregojnë momentin kur dy efektivë shpëtuan një foshnjë nga një makinë e mbyllur në mes të vapës përvëluese.

Ngjarja ndodhi më 17 qershor në qytetin Corona, ku policia u njoftua për një fëmijë të lënë vetëm në një automjet me motor të fikur dhe dritare të mbyllura. Sapo mbërritën në vendngjarje, oficerët panë se foshnja ishte në gjendje shqetësuese dhe ndërhynë menjëherë, duke thyer xhamin me një levë hekuri për ta nxjerrë atë nga sedilja e pasme.

Termometri tregoi një temperaturë prej 110 gradë Fahrenheit (43°C) brenda makinës. Fatmirësisht, foshnja shpëtoi pa lëndime të rënda dhe iu dha ndihmë e menjëhershme nga oficerët.

Ende nuk dihet se për sa kohë kishte qëndruar brenda makina e nxehtë dhe autoritetet nuk kanë dhënë detaje për prindërit. Ky rast është një paralajmërim i ashpër për rrezikun vdekjeprurës të lënies së fëmijëve në makina në temperatura ekstreme – një praktikë që ka marrë jetën e më shumë se 1,130 fëmijëve në SHBA që nga viti 1990.