Nga një ikonë e pop-it në një shpërthim personal përpara 294 milionë ndjekësve, Justin Bieber ka kaluar një nga momentet më shqetësuese publike të karrierës së tij. Në Ditën e Babait, në vend të postimeve emocionale apo fotove me djalin e tij të vogël, Bieber shpërtheu në një seri postimesh të errëta dhe konfuzive, duke përfshirë foto me drogë, fjalë fyese dhe deklarata të dhimbshme për gjendjen e tij mendore.

Në një nga postimet më të habitshme, këngëtari e quajti veten “i thyer”, “i zemëruar” dhe “i lodhur nga mendimet për veten”, duke lënë të kuptohet për një përkeqësim të dukshëm të shëndetit të tij mendor. Në një tjetër postim ai i referohet bashkëshortes së tij Hailey si një “lil ho”, një term fyes që ngjalli menjëherë reagime dhe spekulime për krisje të thella në martesën e tyre.

🟡 Një ditë e errët në Instagram:
Nga ora 14:00 deri në 20:00 të së dielës, Bieber postoi rreth 20 përmbajtje të çrregullta, përfshirë:

• Foto me cigare kanabisi dhe bongje
• Video të filmuara nga dyshemeja
• Imazhe të çuditshme me fokus në gishtat e këmbës apo fytyrën e lodhur
• Emojis fyese (gishti i mesit)
• Mesazhe të errëta mbi traumën, vetëpërçmimin dhe zemërimin

🟡 Hailey – heshtja që flet shumë:
Në Ditën e Babait, Hailey nuk publikoi asnjë urim për Justin, pavarësisht se ishte festa e tij e parë si prind. Në kontrast, në Ditën e Nënës muajin e kaluar, ajo kishte shpërndarë foto të shumta me të birin Jack Blues – ku Justin mungonte. Kjo heshtje ka ndezur aludimet për ndarje të heshtur mes çiftit, të cilët megjithatë janë parë së bashku për hir të bashkëprindërimit.

🟡 Nga fëmijë i famshëm në një shpirt i rrënuar:
Karriera e Bieber nisi si një ëndërr e papritur në YouTube, por fama e hershme, menaxhimi i diskutueshëm dhe ekspozimi ndaj figurave problematike si Sean “Diddy” Combs (aktualisht në gjyq për trafikim seksual) kanë lënë gjurmë. Në një video të vjetër, Bieber i mitur shfaqet duke bërë shaka për vajzat me Diddy-n, në një kontekst që sot duket i frikshëm.

🟡 Lufta me varësinë dhe identitetin:
Në moshën 20-vjeçare, Bieber u arrestua për drejtim nën ndikimin e drogës. Ai më pas rrëfeu për varësinë nga pilulat me recetë dhe kanabisi, por kishte deklaruar se ishte kthyer në një rrugë më të shëndetshme. Postimet e fundit, megjithatë, tregojnë të kundërtën: imazhe me mjete për konsum droge dhe një pamje e sfilitur kanë rikthyer frikën se këngëtari është sërish në një spirale vetëshkatërrimi.

🟡 Shenjat e ndarjes dhe lëvizjet e Hailey-t:
Ndërkohë që Justin lufton publikisht me veten, Hailey ka qenë e fokusuar te karriera. Ajo ka nënshkruar një marrëveshje miliarda dollarëshe për markën e saj të bukurisë, Rhode, me firmën amerikane Elf Beauty – një lëvizje që ndodhi pikërisht ndërsa marrëdhënia e saj me Justin duket në kolaps.

🟡 Pasqyrimi i brishtësisë njerëzore në sytë e gjithë botës:
Në një nga postimet më të dhimbshme, Justin shkroi:

“Njerëzit më thonë të shërohem. Po sikur të mundesha? E kisha bërë. E di që jam i thyer. Kam probleme me zemërimin. Jam lodhur duke menduar vetëm për veten. Vetëm Jezusi më mban gjallë.”