Guximi është një cilësi që shpesh ngrihet në piedestal, sidomos në botën e biznesit dhe të sipërmarrjes. Të jesh i palëkundur, të mos dorëzohesh dhe të ngrihesh pas çdo rrëzimi është konsideruar një recetë klasike për sukses. Por një studim i ri hedh dritë mbi një të vërtetë më të ndërlikuar: kur guximi shndërrohet në një barrë të heshtur, ai mund të dëmtojë seriozisht shëndetin mendor dhe funksionimin e trurit.
Çfarë zbulon studimi?
Studiuesja Darlingtina Esiaka dhe kolegët e saj analizuan jetën e 158 burrave afrikano-amerikanë dhe zbuluan se ata që shfaqnin më shumë vendosmëri dhe “guxim” kishin më shumë vështirësi me kujtesën dhe përqendrimin. Pra, edhe pse nuk dorëzoheshin, truri i tyre po rrëzohej pa u ndier.
Ky fenomen shpjegohet me një proces të quajtur “ngarkesë holostatike”, që përkufizon lodhjen fizike dhe mendore të trupit përballë stresit të vazhdueshëm. Kur e shtyjmë veten përtej limiteve pa pushim, nuk vuan vetëm zemra — edhe truri ngadalëson.
Çfarë duhet të bëjmë?
Studiuesit nuk e mohojnë vlerën e guximit, por theksojnë se ai duhet balancuar me përkujdesje ndaj vetes. Këto janë disa mënyra për ta mbrojtur trurin gjatë periudhave të vështira:
- Pushim dhe gjumë cilësor
- Aktivitet fizik i rregullt
- Meditim dhe frymëmarrje e thellë
- Vetë-dhembshuri dhe menaxhim emocional
- Kërkimi i ndihmës kur është e nevojshme
Një nga mënyrat më të thjeshta — dhe më efektive — për të përballuar sfidat është të flasësh. Qoftë me një mik, familjar apo profesionist, ndarja e barrës ndihmon në lehtësimin e stresit dhe mbron mirëqenien mendore.
