Rajoni verior i Evias në Greqi është përfshirë nga një valë aktiviteti sizmik gjatë 24 orëve të fundit, me një tërmet 4.5 Rihter që u ndje edhe në Atikë. Autoritetet paralajmërojnë se lëkundjet mund të vazhdojnë me të njëjtin intensitet, ndërsa ekspertët kërkojnë kujdes të shtuar, veçanërisht për ndërtesat e vjetra.

Presidenti i OASP-së, Efthymios Lekkas, parashikon tërmete të tjera me magnitudë 4–5 Rihter në ditët në vijim, ndërsa sizmologu Akis Tselentis nuk përjashton mundësinë e një tërmeti më të fortë deri në 5.5 Rihter. Nga ana tjetër, drejtori i Institutit Gjeodinamik, Vasilis Karastathis, e cilësoi pozitive faktin që në të kaluarën zona nuk ka përjetuar tërmete shkatërruese.

Kryetari i bashkisë Agia Anna–Mantoudi raportoi se mbi 50 shtëpi janë dëmtuar pranë epiqendrës së lëkundjeve. Për shkak të situatës, shkollat në Evia do të mbyllen të paktën për nesër, ndërsa strukturat emergjente janë në gatishmëri.