Një tjetër çift i mundshëm po bën bujë në mediat rozë: moderatorja e njohur Erjola Doçi dhe aktori Lumbardh Salihu. Sipas burimeve për “Prive”, mes tyre ka më shumë se miqësi, edhe pse të dy janë përpjekur të ruajnë privatësinë dhe të shmangin vëmendjen e mediave.

Dyshja janë parë shpesh bashkë dhe madje kanë qenë të përfshirë në një projekt filmik, nga i cili Lumbardhi u tërhoq në momentet e fundit për shkak të një konflikti rreth pagesës. Kjo nuk e ndaloi thashethemet, të cilat morën hov pas qarkullimit të një videoje ku Erjola dhe një mashkull – që ngjason me Lumbardhin – ndodhen në një makinë. Moderatorja mohoi të ishte ajo në video, por një deklaratë e mëhershme e saj ku thoshte “Kjo është një video e imja në Snapchat…”, hodhi më shumë benzinë mbi zjarrin e dyshimeve.

Erjola është një personazh i përfolur jo vetëm për karrierën, por edhe për jetën e saj private, që ka qenë shpesh në qendër të vëmendjes. Ajo ka treguar më parë për një marrëdhënie toksike me një ishpartner të njohur për publikun, lidhje që përfundoi me dhunë fizike dhe ndërhyrje mjekësore. Ish-i dashuri i saj është përfolur edhe në ngjarje të tjera publike, përfshirë një përplasje mes dy vajzave të njohura në rrjet.

Pas ndarjes së dhimbshme, Erjola ka zgjedhur të jetë më e rezervuar për ndjenjat e saj. Por burime pranë saj thonë se këtë herë moderatorja mund të ketë gjetur qetësinë pranë Lumbardhit.

A është kjo një lidhje e re që po lind në heshtje, apo thjesht një miqësi e ngushtë që po interpretohet ndryshe nga publiku? Koha do ta tregojë.