Mbrojtësi i Real Madridit, Raul Asencio, është aktakuzuar së bashku me tre ish-lojtarë të rinj të klubit për shpërndarjen e një videoje seksuale që përfshin një person të mitur.
Ylli futbollistik 22-vjeçar dyshohet se ka kërkuar një video të regjistruar nga shokët e skuadrës Ferran Ruiz, 22 vjeç, Andres Garcia, 22, dhe Juan Rodriguez, 23, në qershor 2023, ku përfshihen një vajzë 16-vjeçare dhe një tjetër 18-vjeçare.
Lojtarët akuzohen për “zbardhjen e sekreteve pa pëlqimin e personit, shkelje të privatësisë, shpërndarje dhe dërgim videosh tek palë të treta pa pëlqimin e tyre, kapjen dhe përdorimin e të miturve për qëllime pornografike dhe posedim të pornografisë me fëmijë.”
Asencio dhe tre të tjerët u arrestuan në qendrën stërvitore të Real Madridit në shtator 2023 pas një kallëzimi nga nëna e vajzës 16-vjeçare që shfaqet në video.
Sipas mediave spanjolle, një nga futbollistët kishte regjistruar një marrëdhënie seksuale me konsensus me vajzën e re dhe më pas kishte dërguar videon tek lojtarët e tjerë pa lejen e saj.
Asencio ka arritur të bëhet pjesë e rregullt e ekipit të parë në sezonin e tij të depërtimit në Madrid.
Tifozët në stadiume të ndryshme në Spanjë e kanë sharë Asencion, ndërsa disa tifozë të Barcelonës brohorisnin “Asencio, në burg” gjatë ndeshjes Clasico të dielën.
Fitore e Real Madridit në gjysmëfinalen e Copa del Rey në Real Sociedad në shkurt u ndërpre përkohësisht nga gjyqtari, pasi tifozët vendas brohoritën “Asencio vdes.”
Sipas vendimit të gjykatës, të dy vajzat shfaqin simptoma që përputhen me çrregullimin post-traumatik, raportoi media sportive spanjolle AS.
Gjyqtari në Gjykatën e Lartë të Gran Canarias tha se kishte prova të mjaftueshme për të mbështetur akuzat për shkelje të privatësisë, shpërndarje të videove tek palë të treta pa dijeninë ose pëlqimin e viktimave, kërkim të të miturës për qëllime pornografike dhe posedim të pornografisë me fëmijë.
Neni 197 i Kodit Penal të Spanjës përcakton se çdo person i dënuar për regjistrim dhe shpërndarje të videos eksplicite të një personi të mitur do të dënohet me 3.5 deri në 5 vjet burg.
Nëse dënohet për regjistrim pa pëlqimin e viktimës, dënimi bie në 2.5 deri në 4 vjet burg.
Nëse Asencio do të rezultonte fajtor vetëm për shpërndarje të videos, dënimi pritet të jetë më i butë.
Autoritetet konfirmuan se akuza u ngritën nga nëna e vajzës 16-vjeçare për regjistrimin e videos pa pëlqimin e saj.
Kallëzuesja tha se marrëdhënia seksuale ishte me pëlqim, por regjistrimi jo.
Pas arrestimit në 2023, Asencio tentoi në shkurt të anulonte përfshirjen e tij duke kërkuar përfundimin e hetimeve, por gjykata vendosi të vazhdojë hetimet.
Asencio ka pasur një sezon të spikatur në Real Madrid dhe foli për akuzat pas thirrjes së tij në Kombëtaren e Spanjës për herë të parë.
Muajin e kaluar ai tha për RTVE: “Mendoj se të gjithë e dinë çfarë po bëjnë. Për këtë arsye jam shumë i qetë. Jeta vazhdon ditë pas dite. Në fund është çështje afatesh.
Kam ndjerë ndryshimin e presionit në fushë. Është e logjikshme, pas thirrjes në Kombëtare.
Jam person që pëlqen dhe motivohet nga presioni. Që kur isha fëmijë jam mësuar me presionin në Real Madrid. Më motivon më shumë.”
Ai ka luajtur 22 ndeshje këtë sezon me skuadrën e Carlo Ancelottit, në një kampionat zhgënjyes që pritet të mbyllet pa trofe për Los Blancos.
Në shkurt, Asencio bëri publike lidhjen e tij me influenceren spanjolle Selenia Suarez, e cila zakonisht ndjek ndeshjet në Bernabeu dhe nuk lidhet me çështjen penale.
