Një mësuese e martuar e shkollës fillore është dënuar me nëntë vjet burg për “akte të dhunshme të natyrës seksuale” ndaj një nxënësi 11-vjeçar. Ngjarja e rëndë u zbulua në Leningrad, Rusi, ku Anna Plaksyuk, e cila në atë kohë ishte 25 vjeçe, u akuzua se detyroi djalin të puthte atë në buzë dhe të prekte gjoksin e saj.

Sipas gjykatës, mësuesja e mbante nxënësin pas orëve të mësimit, mbyllte derën dhe i prekte organet gjenitale përmes rrobave. Ajo gjithashtu i dërgonte foto nudo djalit dhe i kërkonte të njëjtën gjë prej tij.
Skandali u zbulua kur nëna e djalit gjeti mesazhe dhe foto eksplicite në WhatsApp, duke e raportuar menjëherë mësuesen te drejtori i shkollës në Toksovo, Leningrad, dhe te policia. Nëna e akuzoi mësuesen për “flirtim sistematik, përkëdhelje dhe puthje”.
Mësuesja, tani 27 vjeçe, pranoi takimet sekrete me djalin në klasën e saj të mbyllur. Ajo i tha policisë se djali kishte treguar “shenja vëmendjeje” për disa muaj dhe i kishte bërë komplimente.

Abuzimi seksual ndaj fëmijës zgjati për katër muaj. Mësuesja, e cila konsiderohej “e popullarizuar”, ka qenë në paraburgim për më shumë se një vit. Ajo u dënua për “akte të dhunshme të natyrës seksuale ndaj një personi nën 14 vjeç” dhe u ndalua të ushtrojë profesionin e mësuesisë për një vit pas lirimit.

Bashkëshorti i saj nuk ka komentuar për shkarkimin e saj nga shkolla dhe dënimin. Fillimisht, prindërit refuzuan të besonin akuzat dhe e mbrojtën mësuesen. Një prind e përshkroi atë si “mësuese ëndrrash”, dhe kolegët e saj thanë se nuk kishin vënë re “anën e errët” të saj.
Në statusin e saj në mediat sociale, Plaksyuk kishte shkruar: “Nuk mund ta mbash një burrë me asgjë – as me fëmijë, as me rini, as me stomak, as me shantazh, as me histeri.”