Kim Kardashian është përballur sërish me kritika në rrjete sociale, pasi një artist gjyqësor e ka skicuar në mënyrë jo të hijshme gjatë dëshmisë së saj në gjyqin për grabitjen e famshme të bizhuterive në Paris në vitin 2016. Ky është rasti i fundit i asaj që fansat e quajnë “mallkimi i skicave gjyqësore” që përfshin të gjithë familjen Kardashian, e cila edhe më parë është përqeshur për portretet e paarsyeshme në sallat e gjyqeve.

Kim, 44 vjeçe, shpërtheu në lot ndërsa dëshmoi në gjyq, duke deklaruar se fal personin e akuzuar, megjithëse gjatë grabitjes kishte frikë se do përdhunohej dhe do vritej. Artistja Mona Shafer Edwards, e njohur për stilin e saj “elegant dhe evokues”, u kritikua gjerësisht pasi skica e Kim-it qarkulloi online dhe u komentua negativisht, njëjtë si skicat nga gjyqi i Blac Chyna kundër familjes Kardashian më 2022.

Kim mbërriti në gjykatë me një varëse me vlerë 3 milionë dollarë dhe një vath prej 8,300 dollarësh. Ajo tregoi detaje rrëqethëse të grabitjes – përfshirë momentin kur u lidh me zip dhe u kërcënua me armë në kokë nga grabitës të veshur si policë. Ajo kujtoi sesi mendonte se do vritej dhe se motra e saj Kourtney do e gjente të pajetë në dhomë.

Grabitësit – të cilët prokurorët i përshkruajnë si një bandë kriminale e përbërë nga burra të moshuar të quajtur “gjyshat grabitës” – akuzohen për vjedhjen e një unaze fejese me vlerë 4 milionë dollarë dhe bizhuterive të tjera. Dy prej tyre kanë pranuar pjesëmarrjen, ndërsa njëri prej tyre, Yunice Abbas, madje ka shkruar një libër mbi ngjarjen, duke kërkuar falje publike ndaj Kim-it.

Gjyqi ka tërhequr vëmendje ndërkombëtare për shkak të famës së Kardashian, por avokatët e mbrojtjes kërkojnë që kjo të mos ndikojë në drejtësinë e procesit. Ndërkohë, dëshmia e Kim-it nuk do të transmetohet, pasi kamerat nuk lejohen në sallat gjyqësore në Francë.

Podcast-i “The Trial: The Kim Kardashian Heist” ka nisur publikimin e episodeve mbi këtë çështje dhe del çdo të hënë e të enjte.