Pas një takimi të rëndësishëm me përfaqësues të OSBE/ODIHR, ku opozita parashtroi shqetësimet e saj lidhur me procesin zgjedhor të 11 majit, kreu i Partisë Demokratike Sali Berisha, së bashku me deputeten Jorida Tabaku dhe anëtarin e kryesisë Oerd Bylykbashi, u shfaqën në rrugët e kryeqytetit, duke ecur në këmbë përballë ish-godinës së Partisë Demokratike dhe përgjatë zonës së Kalasë së Tiranës.

Të shoqëruar nga mbështetës dhe qytetarë që i përshëndesnin rrugës, Berisha dhe Tabaku dhanë një mesazh të qartë për praninë dhe angazhimin e opozitës në terren, jo vetëm në institucione, por edhe mes qytetarëve.

Takimi me OSBE/ODIHR u fokusua në problematikat që lidhen me barazinë në garën zgjedhore, presionin mbi administratën publike dhe votuesit, si dhe nevojën për zbatim të rekomandimeve të pandryshuara të ODIHR.

Pjesëmarrja e Jorida Tabakut në këtë takim konfirmon rolin e saj të palëkundur si zëri i integritetit dhe transparencës zgjedhore, duke vijuar përpjekjet për një proces të ndershëm dhe demokratik.