Presidenti i Shqipërisë ka uruar Kryeministrin e ri të Australisë, i cili vetë ka pohuar me krenari origjinën e tij arbëreshe. Në një deklaratë publike, ai ka theksuar se rrënjët e tij familjare lidhen me shqiptarët që emigruan në jug të Italisë gjatë kohës së Skënderbeut.

Është veçanërisht domethënëse që një person me prejardhje shqiptare, sado e largët të jetë, të arrijë në një post kaq të lartë në një vend të largët si Australia. Ky është një tregues i ndikimit të diasporës shqiptare dhe i trashëgimisë kulturore që vazhdon të jetojë përtej kufijve kombëtarë.

Më posht urimi:

“Urime Kryeministër Antonio Albanese për rizgjedhjen tuaj!

Teksa Shqipëria dhe Australia gëzojnë marrëdhënie të ngrohta dhe miqësore, jemi krenarë të shohim një udhëheqës me rrënjë arbëreshe në krye të një vendi të madh dhe njërit prej partnerëve tanë.

Urojmë që bashkëpunimi ynë të vazhdojë të thellohet në vitet në vijim.”