Një studim i ri tregon se gratë janë më kreative se burrat në fusha si arti, muzika dhe letërsia — dhe kjo si pasojë e ndikimeve sociale dhe gjinore, jo për shkak të aftësive natyrore.
Studiuesit Michael Mauskapf nga Columbia Business School, Noah Askin nga INSEAD, Sharon Koppman nga UC Irvine dhe Brian Uzzi nga Northwestern, analizuan një bankë me 250,000 këngë të prodhuara midis viteve 1955 dhe 2000. Fillimisht, të dhënat nuk shfaqën dallime të dukshme mes gjinive. Por duke marrë në konsideratë përbërjen gjinore të zhanreve dhe madhësinë e rrjeteve të bashkëpunimit, rezultoi se gratë krijojnë më shumë këngë të reja, më të freskëta dhe më të pazakonta sesa burrat.
Kompania Echo Nest, e zotëruar nga Spotify, ndihmoi në analizën e “gjurmëve të gishtërinjve” akustike të këngëve, duke matur tipare si tempo, energji, akusticitet dhe emocion. Përfundimi ishte i qartë: pabarazitë gjinore në krijimtari rrjedhin më shumë nga barrierat sociale sesa nga ndonjë mungesë talenti të lindur. Studiuesit theksojnë gjithashtu se hormoni estrogjen mund të jetë një faktor që nxit mendimin më të hapur dhe krijues te gratë.
