Enët e gjakut luajnë një rol jetik për organizmin, duke transportuar oksigjenin dhe ushqyesit nga zemra drejt të gjitha organeve të trupit. Megjithatë, në shumë raste, këto enë mund të bllokohen, duke çuar në sëmundje të rënda kardiovaskulare që shpesh rezultojnë fatale.
Sipas të dhënave të AgroWeb.org, 60% e vdekjeve në Shqipëri vitet e fundit kanë qenë pasojë e sëmundjeve të zemrës, ku 40% e tyre janë shkaktuar nga sëmundjet koronare.
Kardiologët e Qendrës Spitalore Universitare “Nënë Tereza” theksojnë për Scan TV se dy faktorët kryesorë që ndikojnë në përkeqësimin e shëndetit të zemrës janë ushqyerja e keqe dhe mungesa e aktivitetit fizik.
Megjithatë, ekspertët rendisin disa ushqime që ndihmojnë në zhbllokimin natyral të enëve të gjakut dhe në ruajtjen e shëndetit të zemrës:
- Avokado – Ul kolesterolin e keq me 11–22% dhe gjendet në treg gjatë gjithë vitit.
- Brokoli – Parandalon mpiksjen e gjakut dhe ul tensionin; në treg nga tetori deri në prill.
- Agrumet – Pasurojnë organizmin me pektinë dhe pastrojnë enët e gjakut; të disponueshme gjatë gjithë vitit.
- Kafeja – Ul rrezikun e sëmundjeve të zemrës me 20%, sipas studiuesve australianë.
- Mollët – Një mollë në ditë ul kolesterolin e keq me të paktën 40%.
- Spinaqi – Lufton ngurtësimin e arterieve; gjendet nga janari në maj dhe nga shtatori në dhjetor.
- Peshku – Salmoni, ton, skumbria dhe sardelet janë burime të pasura me omega-3.
- Arrorët – Arrat dhe bajamet janë të pasura me yndyrna të shëndetshme dhe vitamina jetësore.
- Shalqini – Zhbllokon enët e gjakut dhe ul tensionin arterial; periudha e tij është nga korriku deri në shtator.
Sipas ekspertëve të AgroWeb.org, konsumimi i rregullt i këtyre ushqimeve nuk ofron vetëm përfitime afatshkurtra, por ndihmon në pastrimin dhe përmirësimin e qarkullimit të gjakut në mënyrë graduale dhe afatgjatë.
