Superylli i WWE, Jade Cargill, arriti të hakmerrej ndaj rivales së saj Naomi në një përballje të zjarrtë në WrestleMania këtë fundjavë – por gjatë ndeshjes, ajo përjetoi disa incidente të sikletshme me veshjen.
Cargill, me origjinë nga Florida, u përball në Las Vegas me Naomi në një ndeshje hakmarrjeje, pasi kjo e fundit e kishte hedhur më parë përmes xhamit të përparmë të një makine dhe e kishte tradhtuar si mike.
Edhe pse Cargill dominoi qartazi përballjen, vëmendja e publikut u zhvendos disa herë nga lufta për shkak të problemeve me veshjen. E veshur me një crop top në stil “bralette” të zbukuruar me elementë të artë, ajo u detyrua ta rregullonte shpesh, pasi bluza i rrëshkiste duke zbuluar mbulesat e thithkave në mënyrë të pavullnetshme.
Cargill reagoi menjëherë për të shmangur ekspozime të mëtejshme, duke e ngritur me shpejtësi pjesën e sipërme të veshjes.
Për debutimin e saj solo në WrestleMania, Cargill zgjodhi një veshje të guximshme në ngjyrë të bardhë dhe të artë, e cila përfshinte rrufe të arta që zbrisnin nga pjesa e sipërme deri te pantallonat në stil bikini, të kombinuara me çizme të larta metalike deri në gjunjë.
Tensioni mes Cargill dhe Naomi kishte nisur që nga përballja për titullin e Kampiones së Botës për Femra, kur u zbulua se Naomi ishte ajo që e kishte shtyrë rivales së saj në xhamin e makinës. Më herët, Cargill e kishte mposhtur Naomi edhe në rikthimin e saj në Elimination Chamber muajin e kaluar, duke vendosur skenën për këtë përballje.
Një manovër nga skaji i ringut drejt pjesës së jashtme i dha Naomit një moment për të rikuperuar energjinë dhe për të ngjallur entuziazmin në publik.
Dy sportistet krijuan disa skena interesante duke përdorur këndet e ringut – përfshirë një goditje bulldog nga Naomi dhe forcën e Cargill për finalizimin e ndeshjes.
Një manovër në formë “karrige elektrike” u shndërrua në një “powerbomb”, përpara se Cargill të ekzekutonte goditjen e saj finale, “Jaded”, për të siguruar fitoren me rezultatin 1-2-3.
“Besoj se sot drejtësia u vu në vend. E humba zërin aty jashtë, duke luftuar për hakmarrjen që kisha në mendje – dhe bëra pikërisht atë që premtova,” tha ajo pas ndeshjes.
“Çdo herë… çdo herë… ende dhemb. Dhe e dini… çdo herë,” shtoi ajo kur u pyet për përballjen me ish-partneren e saj në skuadër.
