Boris Johnson është përballur me plot sulme gjatë mandatit të tij kontrovers si Kryeministër i Britanisë. 

Shumica kanë qenë në formën e komenteve thumbuese nga rivalët e tij politikë në parlament, apo në kritika të ashpra nga gazetarët. 

Por tani, ish-kryeministri është sulmuar nga një burim i pazakontë – një struc i uritur, 2.1 metra i gjatë, që e ngacmoi ‘Bojon’ gjatë një udhëtimi safari familjar në Teksas. 

Në një video qesharake të filmuar nga bashkëshortja e tij, Carrie – që sipas saj ishte “shumë qesharake për të mos u ndarë”, Johnson goditet nga sqepi i shpejtë i zogut të madh pasi e tërheq drejt makinës së tij. 

Ish-deputeti kishte joshur kafshën me qafë të gjatë dhe me pupla duke i ofruar ushqim, ndërsa djali i tij katërvjeçar, Wilfred, qeshte ëmbëlsisht në prehrin e tij. 

Por, në vend që të kapte ushqimin, krijesa e uritur e sulmon Johnsonin, duke e tronditur liderin konservator në pension. 

‘Oh Krisht, dreq!’, bërtet ish-banori i 10 Downing Street, ndërsa duket se përshpejton me nxitim makinën për t’u larguar nga kafsha. 

Bashkëshortja Carrie duket se nuk tregoi shumë mëshirë për burrin e saj 60-vjeçar, duke ndarë klipin spontan familjar në Instagram me përshkrimin: “Shumë qesharake për të mos u ndarë.”