Pasi spekuluan dhe u gëzuan jashtëzakonisht shumë për ardhjen e Donald Trump në pushtet, tashmë shpresat e non-gratave në Shqipëri po shkërmoqen një e nga një. Rikthimi i ekspertëve amerikanë të OPDAT në SPAK është një goditje e fortë për ata që ëndërruan se administrata Trump do të tërhiqte mbështetjen për reformën në drejtësi.
Largimi i mundshëm i Yuri Kim nga posti i ambasadores amerikane dhe ndoshta ndryshimet që mund të ndodhnin në politikën e ndihmës ndërkombëtare i gëzuan pa masë disa politikanë të përlyer shqiptarë, të cilët kishin shpresuar se administrata Trump do të kishte hequr dorë edhe nga mbështetja për drejtësinë në Shqipëri. Por tani, kur ekspertët amerikanë janë rikthyer në SPAK, për të intensifikuar mbështetjen për hetimet dhe reformën në drejtësi, shpresat e këtyre non-gratave po shuhen një nga një.
Rikthimi i ekspertëve amerikanë është një mesazh i qartë nga Uashingtoni: Shqipëria do të vazhdojë të mbështetet në luftën kundër korrupsionit dhe krimit të organizuar. Kjo ka shkaktuar një pasiguri të madhe në radhët e politikanëve të përfshirë në skandale të shumta, të cilët tani janë të trembur nga perspektiva e një drejtësie më të fuqishme dhe të mbështetur nga SHBA.
Në këtë kontekst, rikthimi i ekspertëve të OPDAT në SPAK është një shenjë e fortë që Amerika është këtu për të mbështetur SPAK dhe të gjithë reformën në drejtësi. Po ashtu, ky është një sinjal për ata që shpresonin se ndryshimet politike do të ndalonin mbështetjen për Shqipërinë: Administrata amerikane ka konfirmuar se mbështetja për drejtësinë në Shqipëri nuk do të ndalet.
