Një shpërthim ka tronditur Lezhën gjatë natës. Objektiv i sulmit me lëndë plasëse ishte lokali ‘Amigo’ në lagjen Besëlidhja, në bllokun e banimit pranë lumit Drin

Lezhë-Një shpërthim ka tronditur Lezhën gjatë natës. Objektiv i sulmit me lëndë plasëse ishte lokali ‘Amigo’ në lagjen Besëlidhja, në bllokun e banimit pranë lumit Drin.

Nga shpërthimi fatmirësisht nuk pati persona të lënduar, por vetëm dëme materiale.

Policia bën me dije se lokali është në pronësi të Ilir Markvukaj, i cili në 2017 ka qenë i arrestuar  për organizimin e trafikut të 25 kg kanabis drejt Kosovës.

Policia vijon hetimet për zbardhjen e këtij rasti dhe identifikimin e autorëve të vendosjes së lëndës plasëse.

Rreth orës 03:00, të mëngjesit të sotëm, në qytetin e Lezhës, para derës së lokalit të mbyllur, të shtetasit Ilir Markvukaj, 47 vjeç, është hedhur lëndë plasëse dhe për pasojë janë shkaktuar dëme materiale.

Grupi hetimor nën drejtimin e Prokurorisë vijon punën për zbardhjen e rrethanave të ngjarjes, identifikimin dhe kapjen e autorit/ve”, informoi sot policia.