Kim Kardashian ka ndezur rrjetin me koleksionin e saj më të ri të rrobave të banjës nga Skims, të cilin e ka quajtur “më i guximshmi ndonjëherë”. 44-vjeçarja ka sjellë një linjë të re që ajo e përshkruan si “rrobat e banjës më seksi nën diell”.
Pasi postoi disa foto provokuese duke modeluar bikini të ndryshme, Kim shkroi në X: “Sapo u lançua: NEW SWIM SHOP. Pritja mori fund—rrobat e banjës më seksi nën diell janë rikthyer dhe më të guximshme se kurrë”.
Ndër personat që pëlqyen postimin ishte edhe Scott Disick, ish-partneri i Kourtney Kardashian, gjë që tërhoqi vëmendjen e fansave. Normalisht, Scott është i njohur për flirtet e tij me Khloe Kardashian, por kësaj here, ai vendosi të tregonte mbështetje për Kim. Po ashtu, edhe nëna e saj, Kris Jenner, i dha pëlqimin postimit.
Kim ka pasur një sukses të madh me markën e saj Skims, e cila tashmë ka bashkëpunime me gjigantë të industrisë si Nike dhe The North Face. Në fillim të këtij muaji, ajo njoftoi se synonte të “thyejë internetin përsëri” me këtë koleksion të ri të rrobave të banjës.
“Më 6 mars vjen: New Swim Shop. Tre vite pas lançimit të tij të parë, koleksioni që ndryshoi gjithçka është rikthyer për të thyer internetin (sërish)”, shkroi Kim në rrjetet sociale.
Një nga fotot më të komentuara nga seti i saj ishte ajo ku ajo shfaqej me bikini me printe leopardi, duke tërhequr një vëmendje të madhe në internet.
Skims, e themeluar në vitin 2019, është bërë një markë ikonike në industrinë e modës, dhe Kim e ka çuar atë në një tjetër nivel duke hapur dyqanin e parë fizik në New York City dhjetorin e kaluar. Në një intervistë për L’OFFICIEL, ajo u shpreh e emocionuar për këtë arritje:
“Të jesh në Fifth Avenue është një nder i pabesueshëm. Nuk ka rëndësi ku ndodhesh në New York, thjesht e ndjen atë energjinë e qytetit. Doja që bota e Skims të vinte në këtë qytet dhe klientët ta ndjenin sikur ishin në një botë tjetër kur hynin në dyqan.”
Kim theksoi gjithashtu se është shumë e përfshirë në çdo detaj të markës së saj: “Dua që të ndjeni qartësi. Dua që të ndiheni të sigurt, pa pasur nevojë për zhurmën e jashtme. Kjo ndjenjë është në pëlhurat tona, produktet, dizajnin e artit, mënyrën se si krijojmë reçipetat dhe gjithçka tjetër.”
Koleksioni i ri i rrobave të banjës nga Skims duket se do të jetë një tjetër sukses i madh për Kim, e cila vazhdon të dominojë botën e modës dhe të biznesit.
