Ky është momenti tronditës kur policia britanike shpëtoi jetën e një të arratisuri, pas një ndjekjeje spektakolare me shpejtësi deri në 160 milje në orë në autostradat M1 dhe M69.
Patrick Connors, 45 vjeç, një person i kërkuar për akuza për mashtrim, u filmua nga kamerat e makinës së patrullës ndërsa udhëtonte në mënyrë të rrezikshme me një BMW 5 Series, duke kaluar automjetet në rrugë të mbushura dhe duke shmangur për pak një katastrofë.
Policët e ndoqën për 20 minuta në një ndjekje që u përshkrua si “me rrezik të lartë”. Connors kaloi semaforë të kuq, përdori krahun emergjent të rrugës me 130 mph, dhe dy herë tentoi të “brake-check”-onte patrullën duke u futur mes korsive për t’i bllokuar.
Momenti më i frikshëm ndodhi kur Connors ndaloi papritur në korsinë e shpejtësisë, zbriti nga makina dhe vrapoi drejt barrierës qendrore. Policia reagoi me shpejtësi, duke e ndaluar që të hidhte veten në krahun tjetër të autostradës, me një oficer që dëgjohet duke bërtitur:
“Mos e bëj! Do të vritesh! Rri aty!”
Në një moment tensioni të lartë, polici arriti të kapte bluzën e tij dhe ta rrëzonte në tokë, duke i vendosur prangat. Connors, i shtrirë përtokë, ankoi: “Kam artrit, më tërhoqe mbi barrierë.” Ndërkohë oficeri u përgjigj:
“Ti po përpiqeshe të kapërceje autostradën para pak minutash. Të shpëtova jetën.”
Vendimi i gjykatës
Në Gjykatën e Lartë të Moldit, Connors, nga Queensferry, Uells, pranoi akuzat për:
- Drejtim të rrezikshëm
- Mosndalim për policinë
- Përvetësim prone kriminale
- Drejtim i mjetit gjatë pezullimit të lejes
Gjykata u informua se Connors kishte përdorur 17 identitete të ndryshme më parë dhe kishte dhënë të dhëna të rreme në momentin e ndalimit.
Ai u dënua me 3 vite burg dhe pezullim nga drejtimi i mjetit për 5 vite.
