Pas disa paraqitjeve të fundit publike të kryeministrit Edi Rama, rrjetet sociale janë përfshirë nga diskutime dhe spekulime mbi gjendjen e tij shëndetësore. Disa postime të bëra nga figura publike kanë hedhur benzinë mbi zjarrin, duke i shtuar dyshimet e publikut për një problem të mundshëm mjekësor apo sjellje të pazakonta.
Mjeku i përgjithshëm Ilir Allkja, një zë i njohur kritik në rrjetet sociale, shkroi në një status të fundit:
“I ndjeri Mantho Nakuçi thoshte; ‘Lëkura është gravura e gjithë historisë!’ Kuptoj që shëndeti i KM është në rrezik!”
Përmes kësaj reference ndaj lëkurës si pasqyrë e gjendjes së brendshme, Allkja lë të kuptohet se Rama mund të ketë një problem shëndetësor që reflektohet në pamjen dhe sjelljen e tij të jashtme.
Ndërkohë, një koment tjetër, më i drejtpërdrejtë dhe i koduar, ka ardhur nga Genc Sejko, drejtues i një portali të njohur lajmesh, i cili në rrjetet sociale shkroi:
“Mjaft u kruajte o shejtan; se i nxore trutë nga koka.”
Edhe pse nuk përmend direkt emra, konteksti dhe gjuha e përdorur kanë nxitur interpretime se ai i referohet kryeministrit dhe sjelljeve të tij të fundit. Disa ndjekës e kanë lexuar këtë si një aludim për sjellje të çrregullta, madje edhe për përdorim të mundshëm të substancave si kokaina – një akuzë që, edhe pse nuk mbështetet në prova, është përhapur vazhdimisht në qarqet opozitare dhe rrjetet sociale.
Deri tani nuk ka asnjë deklaratë zyrtare nga Kryeministria që të sqarojë apo të përgënjeshtrojë këto shqetësime. Por ndërkohë që videot dhe fotot e Ramës analizohen në çdo detaj, debatet në opinion publik vijojnë të thellohen mes shqetësimit për shëndetin e një lideri dhe dyshimeve për manipulim perceptimesh.
