Brooklyn Beckham dhe Nicola Peltz duket se po hedhin rrënjë dhe po ndërtojnë jetën e tyre të ëndrrave – shumë larg klanit Beckham, mund të zbulojë Daily Mail.

Çifti ka blerë pronën e tyre të parë si çift i martuar, një rezidencë mahnitëse me vlerë 16 milionë dollarë në një zonë elitare të Beverly Hills, një lëvizje e qartë për të treguar forcën në mes të përçarjes së thelluar familjare.

Vila luksoze me gjashtë dhoma gjumi dhe shtatë banja ndodhet në lagjen Trousdale Estates, e mbushur me personazhe të njohur si Jennifer Aniston dhe Jennifer Lawrence.

Ajo që e bën më interesante është se kjo shtëpi ndodhet vetëm pak hapa larg nga godfather-i i Brooklyn-it, Elton John, i cili zotëron dy prona në të njëjtën rrugë.

Megjithatë, kjo lëvizje mund ta thellojë përçarjen e hidhur me prindërit e tij, David dhe Victoria, të cilët mbeten shumë të afërt me këngëtarin britanik.

Në fakt, Elton vetë ndezi spekulimet se mund të ketë zgjedhur anë, pasi javën e kaluar uroi publikisht në Instagram përvjetorin e martesës së Brooklyn dhe Nicola-s.

Prona është blerë në dhjetor dhe shënon një hap të madh për çiftin, që më parë jetonin në një apartament luksoz në Century City, në pronësi të nënës së Nicola-s, Claudia.

Ashtu si ndodh zakonisht me të pasurit dhe të famshmit, prona nuk është blerë në emrin e tyre personal, por përmes një kompanie të re (LLC) të lidhur me avokatin e Nicola-s, Robert Benun.

Në dokumente figuron edhe David Basner, CEO i firmës së menaxhimit të pasurisë Tag Associates, e cila ka si klient babain miliarder të Nicola-s, Nelson Peltz.

Pasi prona nuk ka hipotekë, kjo tregon se vila me sipërfaqe mbi 578 metra katrorë është paguar me para në dorë – duke sugjeruar se Nelson ka qenë financuesi kryesor.

Karriera e Brooklyn-it ka kaluar nga fotografia te gatimi, dhe më së fundi ka lançuar një markë salcash pikante “Cloud 23”, por ky biznes nuk duket se ka qenë i mjaftueshëm për të mbuluar një blerje të kësaj madhësie. Ndërkohë, Nicola – aktore dhe regjisore, e njohur për rolet në Transformers dhe Bates Motel – vitin e kaluar regjistroi humbje me filmin e saj të parë Lola, që fitoi vetëm 648 dollarë në arkë, sipas IMDb.

Sipas të dhënave, prona përfshin pishinë, palestër, kinema shtëpie dhe detaje italiane të personalizuara. Ajo ishte listuar fillimisht për 19 milionë dollarë, por çifti e bleu me 3 milionë dollarë më pak.

Elton John, mik i familjes për më shumë se 30 vjet, ka një shtëpi në të njëjtën rrugë që prej vitit 2011 dhe bleu një tjetër shtëpi ngjitur në shtator 2024 për 8.5 milionë dollarë, të cilën e rrënoi dhe ndërtoi një vilë moderne që mund të përdoret si shtëpi për mysafirë.

Ndërkohë, familja Beckham vazhdon të qëndrojë në Mbretërinë e Bashkuar, ndërsa tensionet me djalin e madh janë të pranishme.

Burime pranë çiftit tregojnë se David dhe Victoria janë të shqetësuar nga obsesioni i Brooklyn-it pas Nicola-s. Spekulimet për një përçarje nisën kur ai nuk i uroi publikisht ditëlindjen e 51-të nënës së tij në prill, ndryshe nga babai dhe vëllezërit e tij Romeo dhe Cruz, të cilët postuan mesazhe dashurie.

Gjithashtu, për ditëlindjen e 50-të të David-it muajin e kaluar, Brooklyn e injoroi plotësisht atë në rrjetet sociale dhe nuk mori pjesë në asnjë nga festimet, përfshirë udhëtimin me peshkim me djemtë.

Edhe pse ndodhej në Londër gjatë asaj kohe, Brooklyn dhe Nicola nuk morën pjesë në festën kryesore familjare në Cotswolds, në udhëtimin në Francë apo në darkën në restorantin “Core” në Notting Hill.

Për më tepër, Brooklyn dhe Nicola udhëtuan në MB muajin e kaluar për një sesion fotografik për markën luksoze italiane Moncler, vetëm pak kilometra larg shtëpisë së familjes Beckham në Holland Park, Londër.

Të hënën, Brooklyn ndau një tjetër postim përvjetori për Nicola-n, duke shkruar:

“Kanë kaluar 5 vite që kur i kërkova kësaj gruaje të më martohej. Vendimi më i mirë ndonjëherë. Të dua shumë.”

Prindërit e tij nuk pëlqyen apo komentuan postimin. Por ndër komentet kryesore ishte ai i Elton John:

“Gëzuar përvjetorin çiftit më të dashur dhe të ëmbël!”