Një video virale nga Ibiza, ku një djalë me flokë të prera në stil bob, veshur me një varëse ari, syze dielli dhe një gotë rozë në dorë, kërceu në mes të turmës si një yll, është bërë senzacion global në TikTok. Por pas “Ibiza Bob”, i vetëquajtur një “djalë normal nga Newcastle”, fshihet një histori krejt tjetër: ai është Jack Kay, 26 vjeç, djali i një krimineli të dënuar për grabitje me armë.

Daily Mail ka zbuluar se Jack është nga Lemington, Newcastle upon Tyne, dhe babai i tij, John Edward Kay, ka kaluar më shumë se një dekadë brenda dhe jashtë burgut. Ai është dënuar disa herë për vjedhje dhe një grabitje të dhunshme me armë në vitin 2009, ku qëlloi me pushkë drejt një karburanti në Gateshead.

Pavarësisht kësaj historie, Jack po shijon famën. Në Instagram ai shkroi se është “thjesht një djalë i zakonshëm” dhe falënderoi fansat për përkrahjen. Ndërkohë, e dashura e tij, Alisha Cook, një mbledhëse borxhesh nga Durham, ka ndarë video romantike me të, duke e quajtur “Ibiza final boss”.

Tashmë kthyer në një fenomen interneti, “Ibiza Bob” po frymëzon piktura, meme dhe komente gazmore për flokët e tij, që disa i krahasojnë me “Magna Carta” apo “Betejën e Hastings”.

Por pavarësisht famës së papritur, njohës të tij në Newcastle e përshkruajnë si dikë që gjithmonë ka dashur të tërheqë vëmendje: “Ai ecën nëpër qytet me atë model flokësh dhe varësen e artë si të ishte dikush i madh.”

Ibiza Bob është kthyer në simbolin më të ri të kulturës virale, me një histori familjare të errët, por me një buzëqeshje të bardhë që s’e ndal askush.