Një video e ëmbël që shfaq futbollistin gjerman Karim Adeyemi me vajzën e Loredanës, Hanën, është bërë virale në rrjetet sociale, duke emocionuar ndjekësit e çiftit.

Pamjet janë filmuar pas një ndeshjeje të Borussia Dortmundit, ku Adeyemi shihet në fushë me Hanën në krah, ndërsa përshëndet tifozët. Gjestet e ngrohta dhe buzëqeshja e përbashkët kanë treguar qartë një lidhje të veçantë dhe një marrëdhënie të ngushtë mes tyre.

Reperja e njohur Loredana i ka dhënë fund beqarisë vetëm disa muaj më parë, kur zyrtarizoi dashurinë me Karim Adeyemin. Ajo publikoi në rrjete sociale një foto me futbollistin, ku të dy tregonin unazat e martesës, duke e shoqëruar me mbishkrimin: “02.10.2024 💍👰‍♀️ Përgjithmonë”.

Loredana ka një vajzë nga lidhja e mëparshme me këngëtarin shqiptar Mozzik (Gramoz Aliu). Hana, vajza e tyre, duket se është pranuar dhe përqafuar me dashuri edhe nga bashkëshorti i saj i ri.

Ndërkohë, Mozzik prej disa muajsh është në një lidhje të re me Lotina Hazirin, marrëdhënie e bërë publike verën e vitit 2024 përmes disa postimeve të përbashkëta në rrjetet sociale.

Momente si ky i fundit mes Adeyemit dhe Hanës kanë ngrohur zemrat e fansave dhe kanë marrë mijëra reagime pozitive në internet. Videoja është kthyer në simbol të një familjeje moderne ku dashuria dhe përkujdesja triumfojnë mbi çdo ndarje të së kaluarës.