Policia e Fierit ka goditur një tjetër rast të kultivimit të bimëve narkotike, në kuadër të operacionit të koduar “Koordinata”. Gjatë kontrolleve në fshatin Çipllakë, njësia administrative Libofshë, u zbulua një parcelë me 190 bimë të dyshuara kanabis.

Bimët ishin kultivuar në një sipërfaqe me shkurre, për të vështirësuar zbulimin. Në përfundim të veprimeve hetimore u arrestua në flagrancë shtetasi L. T., 41 vjeç, si autor i dyshuar i kultivimit. Një pjesë e bimëve u sekuestrua si provë materiale, ndërsa pjesa tjetër u asgjësua me djegie.

Policia e Fierit thekson se operacioni antikanabis “Koordinata” vijon në të gjithë territorin e qarkut, në funksion të parandalimit dhe ndëshkimit të kultivimit të paligjshëm të lëndëve narkotike.

Njoftimi i policise:

Fier/Vijon plani operacional policor, antikanabis, i koduar “Koordinata”, për parandalimin, evidentimin dhe goditjen e rasteve të kultivimit të bimëve narkotike.

Gjenden në një parcelë në fshatin Çipllakë, 190 bimë narkotike.

Arrestohet 41-vjeçari që i kishte kultivuar bimët në mes të një sipërfaqeje me shkurre, me qëllim fshehjen.

Shërbimet e Komisariatit të Policisë Fier, si rezultat i kontrolleve intensive dhe hetimeve me metoda proaktive, që vijojnë të kryejnë në kuadër të planit operacional “Koordinata”, goditën një rast të kultivimit të bimëve narkotike.

Gjatë kontrolleve, në territorin e fshatit Çipllakë, njësia administrative Libofshë, u gjet një parcelë me 190 bimë të dyshuara narkotike Cannabis Sativa.

Specialistët për Hetimin e Krimeve të Komisariatit të Policisë Fier, në përfundim të veprimeve procedurale për këtë rast, arrestuan në flagrancë autorin e dyshuar, shtetasin L. T., 41 vjeç, për veprën penale “Kultivimi i bimëve narkotike”.

Një pjesë e vogël e bimëve u sekuestrua me cilësinë e provës materiale, ndërsa pjesa tjetër u asgjësua nëpëmjet djegies.

Operacioni policor antikanabis “Koordinata” vijon në të gjithë territorin e qarkut.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.