Pamje dramatike vijnë nga St Tropez, ku një superjaht luksoz 41 metra u përfshi nga flakët në brigjet e rivierës franceze. Jahti “Sea Lady II”, i cili jepet me qira për 65,000 euro në javë, u shkatërrua pjesërisht nga zjarri që shpërtheu papritur.

Zjarri shpërtheu të premten, duke alarmuar pushuesit dhe ekuipazhin përreth. Shkaqet e zjarrit mbeten ende të paqarta, ndërsa autoritetet franceze kanë nisur një hetim të plotë mbi incidentin. Nuk raportohet për të lënduar, por dëmet materiale janë të konsiderueshme.

Flakët që përfshinë mjetin luksoz në një nga destinacionet më të njohura të verës në Europë kanë ngritur shqetësime për sigurinë e jahteve në zonë.